xanana ventura en la red

saturday nights in chavacano

since josh has posted in ilonggo recently, i decided, over greasy yellow cab charlie chan noodles and ny style pizza, to post my saturday travails in my mother tongue, chavacano zamboanga.

have fun. hehe
____________________________________


esta sabado pasado ya anda yo na cumpleaño de uno de mio maga buen amiga na up, si camille. actualmente, no hay man yo anda; ya segui yo con di mio maga otro amigo na up, sina apple, tom, mark m, tj, dennis (amigo di camille na colegio/high school), arnold (compañero di tom na di ila iglesia), emman, josh, y por supuesto, con carey (sorry camille que no sabe yo como man-spell el nombre disuyo).

timora no hay gane yo puede anda, que no quiere manda anda conmigo di mio nana y tata que tiene daw fuerte borrasca al llegar. pero gracias ya lang na ayudo di tom (tambien na di mio saber que ya sale ya quel peste borrasca da aquel),ya puede yo escapa na casa y segui na pista di amun.

bien divertido gayot el pista di camille. cerveza sin limite, videoke hasta ya falta falta ya lang diamun maga voces, compañia de maga amigos y maga amigos nuevos (ayyy, cosa gaja puede sucede con nosotros di ------? hahaha!). cuando ya man una kami alla, kami kami lang di camille, carey (lo siento camille que no sabe yo como deletrear tuyo nombre), tj, mark, tom y arnold. dos horas o mas despues di amun maga canciones y comidas, ya llega sila josh y emman. ya vuelta si emman na inquirer, cuando si josh tamen nuieva salida lang na di ila fund-raising event. pero no hay man quel caso, que ya puede sila hace apas na hora.

(fotos en proximo)

despues mucho's cerca na metrowalk (poco caminada lang desde na starbucks ya puede kami llega alla), ya monta kami todo na maga coche di camille y josh para andar na un club. no sabe man kami otro que el club parece como un pegasus, o mas grabe pa. kami dos di tj ya no puede aguanta nuestro shock and awe na cosa kami ya mira, y cuando ya sale kame na bar, bien pronto tamen kame ya sale alla, que risas lang na di amun maga cara. tiene alla un mujer que ya man all the way, y ya hace pa split masqui no hay mas ya pantaloncilla di suyo coño. espantao ya lang kami todo. well, hende man todo que ya sabe man maga otro con cosa al sucede alla antes pa kame llega.

sin embargo, club o sin club, bien alegre gayot nuestro noche. cumpleaños feliz camille! masqui no hay tu puede entende con este blog post que ya escribi yo. mira sos, ya olvida ya gayot yo di miyo chavacano. hehe. ta mezcla ya lang yo el castellano y chavacano, masqui sabe yo que bien otro idioma gayot quel dos. haha


xanananana

posted by xanana ventura @ 1:03 a. m.